වසත් කළෙක මන මදිරා
පැහැද දිළෙන ලොව අරුණා
උදා ගිරෙන් හිරු පිපෙනා
පොළව සිඹින හිරු කිරණා...
මිහිලිය මත දුල නෙතිනා
සිහිල් පවන ගත වෙළෙනා
පිපී දිලෙන මල් මතිනා
ගුම් නද දේ වන බඹරා....
නිලට නිලේ ඇද හැළෙනා
මන බඳිනා දිය දහරා
සුර දෙව් ලිය ගත වසනා
දුහුල් සළුව සේ දිසෙනා......
කීචි බීචී ගී ගයනා
කුරුළු රෑන් තුරු මතිනා
පියඹා යන 'යුරු සොබනා
සිතුවම් වැනි හද ඇඳෙනා....
තුරු පත් මත දඟ කරනා
සුදු සඳ රැස් දිය දහරා
ගෙනේ හදට රස කරුණා
සොබා අසිරි සිරි මවනා......
No comments:
Post a Comment